Тыдзень беларускай мовы і літаратуры
З 20 па 25 лістапада 2017 года ў гімназіі-каледжы пройдзе Тыдзень беларускай мовы і літатратуры пад дэвізам “З любоўю да роднага слова”. Тыдзень будзе праходзіць у рамках юбілеяў Я.Купалы і Я.Коласа і 500-годдзя беларускага кнігадрукавання.
Прапануем кароткі агляд мерапрыемстваў :
У панядзелак, 20 лістапада, можна зрабіць цікавыя фотаздымкі ў фотазоне “Скарына і наш час”, пабываць у віртуальным музеі.
У аўторак, 21 лістапада, можна праверыць свае веды, прыняўшы ўдзел у розных конкурсах.
22 лістапада, у сераду, дзень будзе пачынаць акцыя “Чытаем творы Я.Коласа”. У гэты дзень пры ўваходзе ў школу вас папросяць прачытаць радкі з твораў Я. Коласа.Успомніце прыгожае паэтычнае слова і пачніце дзень незвычайна.
У чацвер, 23 лістапада, мы запрашаем усіх на кірмаш нацыянальных беларускіх страў, дзе можна будзе не толькі смачна з'есці, але і пагуляць ў цікавыя пазнавальныя гульні.
У пятніцу, 24 лістапада, чакаем удзельнікаў гульняў “Эрудыт” і “Поле цудаў”.
25 лістапада, у суботу, а 10 гадзіне запрашаем на падвядзенне вынікаў, закрыццё тыдня. Упэўнены, што будзе шмат узнагарод, бо вучні нашай гімназіі любяць роднае слова. І як доказ таму – мінулагодні Рэспубліканскі конкурс юных чытальнікаў “Жывая класіка” і Дыплом II ступені ў вучня 8 класа Ляшковіча Аляксея.
Запрашаем прыняць актыўны ўдзел у шматлікіх мерапрыемствах!
